Альберто Контадор «Тур де Франс» жеңімпазы атанды
АСТАНА. Шілденің 27-сі. ҚазАқпарат - «Астана» командасының капитаны Альберто Контадор Парижде Елисей алаңындағы мәре сызығын бірінші болып кесіп,
«Тур де Франс» көпкүндік веложарысының жеңімпазы атанды, деп хабарлайды ҚазАқпарат ВВС телекомпаниясының Орыс қызметіне сілтеме жасап.
Бұл 26 жастағы спортшының екінші жеңісі: Контадор 2007 жылы Discovery Channel командасының атынан өнер көрсетіп, «Тур де Франс» жеңімпазы атанған болатын.
Контадор жарысты 85 сағат 48 минут 35 секундпен аяқтап, люксембургтық Энди Шлектен 4 минут 11 секундқа, ал өзінің командалас серігі, «Тур де Франстың» жеті дүркін жеңімпазы Лэнс Армстронгтан 5 минут 24 секундқа озды.
