Альберто Контадор «Тур де Франстан» шығып қалды
АСТАНА. ҚазАқпарат - Ресейдің «Tinkoff-Saxo» велокомандасының капитаны Альберто Контадор «Тур де Франс» көпкүндігінің 10-шы кезеңінде жарыстан шығып қалды.
Контадор мәреге 95 шақырым қалған кезде құлап, оған медициналық көмек көрсетілді. Спортшы жәрдемді күтіп, уақытын жоғалтып алғандықтан ойыннан шығуға мәжбүр болды, деп хабарлады «Р-Спорт».
Тізесін таңып бергеннен кейін велошабандоз қатарға қайта қосылғанымен көп ұзамай жарыстан бас тартты.
Ол көш бастап бара жатқан алдыңғы топтан 4 минутқа қалып қойған болатын.
