«Альянсқұрылысинвест» ЖШС директорына үлескерлердің 3, 5 млрд. теңгеге тарта қаражатын талан-таражға салды деген айыппен қылмыстық іс қозғалды - Қаржы полициясы
АСТАНА. Қазанның 21-і. ҚазАқпарат /Жасұлан Аманбайұлы/ - Қаржы полициясы «Альянсқұрылысинвест» компаниясының директоры Ренат Наймановқа қатысты қозғалған қылмыстық істі тергеуде.
Бұл туралы бүгін апталық брифинг барысында Экономикалық қылмыс және сыбайлас жемқорлыққа қарсы күрес агенттігінің ресми өкілі Мұрат Жұманбай мәлімдеді, деп хабарлайды ҚазАқпарат.
«Оған ағымдағы жылы қазанның 18-де «Лесная поляна» тұрғын үй үлескерлерінің 3 млрд. 462 млн. теңге қаражатын талан-таражға салды деген айып тағылып, сот санкциясымен қамауға алынды», дейді М. Жұманбай.
