Алабама штатындағы жаппай атыс салдарынан 4 адам қаза тауып, бірқатар адам жараланды

АСТАНА. KAZINFORM — АҚШ-тың Алабама штатындағы Бирмингем қаласының орталығында сенбіге қараған түні болған жаппай атыс салдарынан кемінде төрт адам қаза тауып, ондаған адам жараланды. Бұл туралы жергілікті полиция хабарлады, деп жазады Синьхуа. 

Бирмингем полициясының хабарлауынша, атыс Алабама университетінің жанындағы Five Points South ойын-сауық ауданында жергілікті уақыт бойынша 23:00-де болған.

Полицияның айтуынша, бірнеше адам бір топ адамға оқ атқан. Оқиға орнына жеткен тәртіп сақшылары екі ер адам мен бір әйелдің мәйітін тапқан. Төртінші жәбірленуші кейін ауруханада көз жұмды.

Кем дегенде төрт жәбірленуші өміріне қауіп төндіретін жарақаттар алды, ал қалғандары «әр түрлі ауырлықтағы» жарақаттар алды», - деді полиция.

Жексенбі күні таңертең ешкім ұсталған жоқ. Полицейлердің айтуынша, қазір қылмыстың себебі туралы ешқандай ақпарат жоқ.