Алакөлде демалушы тас лақтырып, кішкентай бала зардап шекті
Облыстық полиция департаменті баспасөз қызметінің мәліметінше, Ақши ауылына Алакөл жағасында демалуға барған ерлі-зайыпты арыз түсірген.
«Шағымданушылардың айтуынша, олар демалыс орнын іздеп жүрген. Сол сәтте олардың көлігіне белгісіз ер адам тас лақтырып, автомобильді бүлдірген. Машинада үлкендерден бөлек, тағы төрт бала болған. 8 жастағы қыз зардап шекті. Ол облыстық балалар ауруханасына жатқызылды. Жедел-іздестіру барысында Жаркент қаласының 28 жастағы тұрғыны ұсталды. Ол ішімдік ішкендіктен, осындай бұзақылық жасағанын түсіндірді. Қазір аталған факті бойынша қылмыстық кодекстің бұзақылық бабымен тергеу жүргізіліп жатыр. Қажетті сараптамалар тағайындалды», - делінген ведомствоның хабарламасында.
Тергеу барысында күдікті ешқайда кетпеу қолхатымен босатылды.
Айта кетсек, Алакөлге демалуға барып, келеңсіз жайтқа тап болғандар – Талдықорған қаласының тұрғындары.
Еске сала кетсек, бұған дейін жергілікті атқарушы органдарға Үшарал және Үржар әуежайларындағы жөндеу жұмыстарын тез арада аяқтау тапсырылды.
