Алан Құрманғалиев Италиядағы WTT Youth Contender турнирінде қола медаль жеңіп алды

АСТАНА. KAZINFORM – Үстел теннисінен Қазақстан құрамасының спортшысы Алан Құрманғалиев Италияның Линьяно қаласында өтіп жатқан WTT Youth Contender турнирінің қола жүлдесін еншіледі.  

Ол 17 жасқа дейінгі жас санатында үшінші орынға ие болды.

Алан жарыс барысында франциялық Томас Ларошты, испандықтар Фонт Аниол мен Франческ Каррераны, чехтар Мартин Ратажский мен Мартин Вайглды жеңді. Жартылай финалда қазақстандық спортшы француз Натан Пиларға 2:3 есебімен есе жіберді.

Бұған дейін Алан Құрманғалиевтің Мажарстанда өткен турнирде екі мәрте жүлдеге қол жеткізгенін жазған едік.