Алаяқ Оңтүстік Кореяға жұмысқа жіберемін деп түркістандықтардың 92 млн теңгесін жымқырған

АСТАНА.KAZINFORM — Түркістан облысында Оңтүстік Кореяға жұмысқа орналастырамын деген желеумен тұрғындардың 92 миллион теңгесін жымқырған алаяқ сотталды. Бұл туралы Түркістан облысының прокуратурасы хабарлады. 

— Түркістан облысында алаяқ 2023-2024 жылдар аралығында 23 жәбірленушіні Оңтүстік Корея мемлекетіне еңбек қызметін жүзеге асыру үшін жұмыс визасын жасап беремін деп алдап, 92 020 000 теңге ақшаларын алып алған, — делінген хабарламады.

Сот барысында мемлекеттік айыптаушы сотталушының кінәсін толық дәлелдеді.

Алаяқ 6 жыл мерзімге бас бостандығынан айырылды, сондай-ақ 23 жәбірленушілердің азаматтық талап қоюлары қанағаттандырылды.

Сот үкімі заңды күшіне енген жоқ.

Айта кетелік алаяқтарға аударылған ақшаны қалай қайтарып алуға болатыны туралы жазған едік.