21:50, 13 Мамыр 2025 | GMT +5
Алаяқтан сақ болайық: ШҚО-да полиция ерекше бастаманы қолға алды
ӨСКЕМЕН. KAZINFORM – Шығыс Қазақстан облысында полицейлер ерекше бастаманы қолға алды.
ІІМ баспасөз қызметінің мәліметінше, сүт өнімдерінің қаптамаларына «Алаяқтардан сақ бол» деген жазуы бар арнайы QR-кодтар орналастырылды.
Кодты сканерлеу арқылы тұтынушылар облыстық полиция департаментінің ресми парақшасына өтіп, қажетті ақпаратқа қол жеткізе алады.
— Біздің мақсатымыз – әр отбасыға үн қату. Біз күнделікті тұтынылатын өнімдер арқылы әрекет етудеміз. Бұл – қарапайым, ыңғайлы әрі тиімді тәсіл, – деді ШҚО ПД киберқылмысқа қарсы іс-қимыл басқармасының бастығы Д.Камалханов.
Бұл бастама халықтың цифрлық сауаттылығын арттыру және киберқылмыстың алдын алуға бағытталған.
ШҚО-дағы 89 бөгет күрделі жөндеуді қажет ететінін жазған болатынбыз.
