Алаяқтар 117 635 106 теңгені иеленіп кеткен - Алматы қаржы полициясы
МАТЫ. 10 тамыз. ҚазАқпарат /Нәзира Елеухан/ - Алматы қаласының экономикалық қылмыспен және жемқорлықпен күрес департаменті ЖШС -тердің бірінің үш жетекшісіне қатысты ҚР Қылмыстық кодексінің 177 бабының 3-ші тармағымен (алаяқтық бойынша) қылмыстық іс қозғады.
Олар жылыту қазандығының құрылысын саламыз деп келісімге отырып, 117 635 106 теңгені заңсыз иеленіп кеткен.
Бұнымен қатар, аталмыш департамент басқаның мүлкінн иеленіп және сеніп тапсырылған затты талан-таражға салғандығы үшін АҚ филиалының бухгалтері К. есімді азаматқа қатысты ҚР Қылмыстық кодексінің 176 бабының 3-ші тармағы бойынша қылмыстық іс қозғады.
Ол жалған құжаттар жасап, 5 312 000 теңгені ұрлаған.
