Алдағы күндері бірнеше өңірде жел күшейіп, шаңды дауыл соғады
АСТАНА. KAZINFORM — Қазгидромет 31 қазан – 2 қараша аралығындағы Қазақстан аумағы бойынша ауа райы болжамын жариялады.
Алдағы күндері Қазақстанның басым бөлігінде солтүстік-батыс циклонының әсерінен атмосфералық фронттың өтуіне байланысты ауа райы тұрақсыз болады. Жаңбыр және қар түрінде жауын-шашын болады. Елдің солтүстігі мен шығысында көктайғақ болады.
Тек Қазақстанның батысы мен солтүстік-батысында антициклон жотасының әсерінен жауын-шашынсыз ауа райы сақталады.
Республика бойынша жел күшейеді, оңтүстікте күндіз шаңды дауыл күтіледі. Түнгі және таңертеңгі уақытта елдің солтүстігінде, шығысында, сондай-ақ оңтүстік және оңтүстік-шығыстың таулы аудандарында тұман болады.
Республика бойынша ауа температурасының айтарлықтай өзгеруі күтілмейді.
