Алдағы үш күнде ауа райы қандай болады — синоптиктер болжамы

АСТАНА. KAZINFORM — Алдағы күндері Қазақстандағы ауа райын оңтүстік циклон қалыптастырады, онымен бірге қысқа мерзімді жауын-шашын сақталады.

Республиканың солтүстік-шығыс және шығыс аймақтарында ғана көбіне жауын-шашынсыз күн райы сақталады, деп хабарлайды Қазгидромет РМК. 

Оңтүстікте, оңтүстік-шығыста, орталықта және солтүстік-батыста, ал 13 шілде күні республиканың батысында кей кездері қатты жаңбыр жауады. 

Қазақстан бойынша найзағай, бұршақ, дауыл және желдің күшеюі болжанып отыр. 

Еліміздің оңтүстігінде ауа температурасы күндіз +20+35°С дейін төмендейді, қалған аумақта күрт өзгерістер болжанбаған.