Алдағы қаңтар айында еліміздегі жанар-жағармай бағасы өзгермейді - Мұнай және газ министрлігі
АСТАНА. 27 желтоқсан. ҚазАқпарат /Қанат Мәметқазыұлы/ - Мұнай және газ министрлігі 2012 жылдың қаңтар айындағы жанар-жағармайдың бөлшек саудадағы сатылым бағасын 2011 жылдың желтоқсан айындағы деңгейде қалдырды.
Бұл туралы министрліктің баспасөз қызметінен хабарланды.
«Қазақстан Республикасы Мұнай және газ министрлігінде мұнай өнімдерімен ішкі нарықты қамтамасыз ету және жанар-жағармай бағасының қалыптасуы мәселелері бойынша өткен кезекті кеңестің шешіміне сәйкес 2012 жылдың қаңтар айында республикалық жанар-жағармай станцияларындағы бөлшек сауда бағаларының шекті деңгейі мынаны құрайды:
- Аи-92/93 бензині ≤ 106,0 теңге/литр;
- Аи-80 бензині ≤ 86,0 теңге/литр;
- дизель отыны ≤ 90,0 теңге/литр;», делінген баспасөз қызметі жариялаған хабарламада.
