Алдағы күндері Қазақстанның оңтүстігі мен шығысында найзағай ойнап, жаңбыр жауады
АСТАНА. ҚазАқпарат - 5-7 мамыр күндері Қазақстанның оңтүстігі мен шығысында найзағай ойнап, жаңбыр жауады деп күтіліп отыр, деп хабарлайды «Қазгидромет» РМК.
«Алдағы үш тәулікте циклонның және онымен байланысты атмосфералық ағындардың өтуіне байланысты Қазақстанның көбіне оңтүстігінде, оңтүстік-шығысында және шығысында найзағай ойнап, жаңбыр жауады деп күтіліп отыр. Оңтүстік-шығыстың таулы аудандарында 7 мамырда мол жауын-шашын түсуі ықтимал. Республиканың қалған бөлігі жоғары атмосфералық қысым алаңында болады. Сондықтан мұнда жауын-шашынның түсуі екіталай. Бірақ 7 мамырда Қазақстанның солтүстік облыстарына Орталық Уралдан (РФ) атмосфералық ағын ауып барады. Онымен бірге бұл аудандардың кей жерлерінде найзағайлы өткінші жаңбырлар жаумақ», - делінген хабарламада.
