Алдағы түнде Қазақстанда қар аралас жаңбыр жаууы мүмкін
АСТАНА. ҚазАқпарат - Алдағы үш тәулікте Қазақстанда жауын-шашынды күн райы күтіліп отыр.
«Қазгидромет» РМК-ның хабарлауынша, бұл республика аумағы арқылы өтіп жатқан циклондар және олармен байланысты атмосфералық бөліктермен байланысты болуда.
Республиканың солтүстік, орталық және шығыс бөлігінде алдағы түні жаңбыр қарға ұласуы мүмкін.
Ал еліміздің оңтүстігінде ауа температурасы климаттық нормадан 3-6 градусқа жақын және одан жоғары, солтүстік бөлігінде - 1-2 градустай және одан төмен болады.
