Алдағы үш күнде Қазақстанның солтүстігінде боран соғып, оңтүстікте тұман, көктайғақ болады
АСТАНА. ҚазАқпарат - Алдағы үш тәулікте фронтальдық бөліктердің өтуіне байланысты ауа райы жауын-шашынды болмақ: Қазақстанның солтүстігінде қар жауып, боран болады деп күтілуде, ал оңтүстік өңірлерде тұман түсіп, жолдарда көктайғақ орын алуы ықтимал.
Бұл туралы «Қазгидромет» РМК хабарлады.
Оңтүстік-батыстан желдің күшеюіне байланысты жағдай республика бойынша аяздың бәсеңдеуіне әкеледі: облыстың басым бөлігінде түнде 0, -5° С, күндіз -3, +3° С, оңтүстік өңірлерде - түнде 0, +5°С, күндіз +3 +10°С болады.
