Алдағы үш күнде солтүстік өңірде қар жауып, бұрқасын соғады - Қазгидромет

АСТАНА. ҚазАқпарат - Қазгидромет 7-9 қараша күндеріне ауа райы болжамын жариялады, деп хабарлайды ҚазАқпарат.

«Тұман мен көктайғақ қараша айында жиі болатын метеорологиялық құбылыс. Алдағы үш тәулікте республикамыздың басым бөлігінде түнгі және таңғы уақыттарда тұман мен көктайғақ түседі. Жауын-шашын болып, солтүстік аумақтарда қар жауады, кей жерлерде бұрқасын және желдің жылдамдығы 15-23 м/с-ға дейін күшейеді. Ауа температурасы нормаға жақын, ал батыс пен оңтүстікте 2-5ºС жоғары болады» делінген хабарламада.