Алдағы үш күнде Түркістан мен Жамбыл облыстарында сел жүруі мүмкін
АСТАНА. ҚазАқпарат - Қазгидромет синоптиктері күн райының жылынуына байланысты ескерту жасады, деп хабарлайды ҚазАқпарат.
Оған сәйкес, 2023 жылдың 6-8 қаңтар аралығында Түркістан және Жамбыл облыстарында қар аралас жаңбыр жауады.
Осыған байланысты осы аймақтардың таулы аудандарында беткейден еріген қар суы ағады және өзендерде су деңгейі көтеріледі деп болжанып отыр.
