Александр Бублик жұптық сында Доха турнирінің ширек финалына шықты
НҰР-СҰЛТАН. ҚазАқпарат – Қазақстанның бірінші, әлемнің 31-ракеткасы Александр Бублик жұптық сында Доха ATP 250 турнирінің ширек финалына шықты, деп хабарлайды ҚазАқпарат тілшісі.
Қазақстандық теннисші мажарстандық Мартон Фучовичпен бірге бастапқы кездесуін осы жарыстың 2-ракеткалары, хорватиялық Иван Додиг – жаңазеландиялық Майкл Винуспен өткізді.
А.Бублик пен М.Фучович 7:6 (7:4), 6:3 есебімен жеңіске жетті.
Олар 1 сағат 18 минутқа созылған бәсеке барысында 2 эйс жасап, 8 брейк-пойнттың үшеуін өз есептеріне жазды.
Қарсыластары 2 эйс, 2 брейктен (7 брейк-пойнт) аса алмады.
Қазақстандық-мажарстандық жұптың ширек финалдағы қарсыласы кейін анықталады.
А.Бублик Доха жарысында жекелей сында да кортқа шығады.
Оның бірінші қарсыласы – негізгі турнирге іріктеу сайыстарынан кейін қосылған, дүниежүзілік рейтингте 183-орында тұрған словакиялық Йозеф Ковалик.
Еске сала кетейік, бұдан бұрын Михаил Кукушкиннің Марсельде негізгі турнирге жолдама алғанын жазған болатынбыз.
