Александр Лукашенко Елбасы Нұрсұлтан Назарбаевты президент сайлауындағы жарқын жеңісімен құттықтады

Бұл туралы БЕЛТА-ға беларус басшысының баспасөз қызметі хабарлады.

«Халықтың Сізге сенім көрсетуі Қазақстанның егемендігі мен тәуелсіздігін нығайтуға бағытталған Сіз жүргізіп отырған бағыттың дұрыс екендігінің жарқын көрінісі болып табылады»,- деп атап көрсеткен Беларусь Президенті.

Александр Лукашенко Беларусь пен Қазақстан арасындағы қарым-қатынас алдағы уақытта да жемісті, әрі қарқынды дамитынына сенім білдірді.

"Беларусь қашан да Қазақстан Республикасының сенімді серіктесі және одақтасы болған және осылай болып қалады", - деп атап өткен Беларусь мемлекетінің басшысы.