Алексей Полторанин Эстонияда жеңімпаз атанды

АСТАНА. ҚазАқпарат - Қазақстандық шаңғышы Алексей Полторанин Эстонияның Альба қаласындағы FIS сайысында классикалық әдіс бойынша 10 шақырымдық жарыста жеңімпаз атанды.

Екінші және үшінші орынды сәйкесінше, эстондық Райдо Ранкель мен Андреас Веерпалу иеленді, деп хабарлайды dodasport.kz.

Айта кетейік, бұл Полтораниннің осы маусымдағы соңғы халықаралық додасы - ол Канададағы Әлем кубогына қатыспайды. Алексей 20-28 наурыз аралығында Риддерде өтетін Қазақстан чемпионатында өнер көрсетеді.

Шаңғы жарысы. Халықаралық шаңғы спорты федерациясының жарыстары. Альба (Эстония). Ерлер. Спринт. Классикалық стиль.

1. Алексей Полторанин (Қазақстан) - 26:30.4

2. Райдо Ранкель (Эстония) - +23.0

3. Андреас Веерпалу (Эстония) - +35.7.