Алексей Полторанин «Тур де Ски» аясындағы 10 шақырымдық жарыста жеңіске жетті
АСТАНА. ҚазАқпарат - Қазақстандық үздік шаңғышы Алексей Полторанин «Тур де Ски» аясында өткен Әлем кубогы кезеңінің классикалық стильдегі 10 шақырымдық жарысында топ жарды, деп хабарлады Vesti.kz. тілшісі.
Итальяндық Тоблахтағы жарыста Полторанин 22 минут және 51,8 секунд нәтижесімен жеңісті еншіледі. Екінші орынды қазақстандықтан жарты секундтқа қалып қойған ресейлік Евгений Белов иеленді. Үздіктердің үшінші қатарын Норвегиялық Мартин Сундбю толықтырды. Ол Полтораниннен 4,2 секундқа кешікті.
Бұл - Полтораниннің «Тур де Ски» жаңа маусымындағы алғашқы жеңісі.
