Әлем чемпионатында қазақстандық балуан күміс медаль алды
НҰР-СҰЛТАН. ҚазАқпарат - Еркін күрестен Будапештте өтіп жатқан жасөспірімдер арасындағы әлем чемпионатында Қазақстан қоржыны бір күміспен толықты деп жазады Olympic.kz.
55 келіде белдескен Нұрланбек Әбдінұр финалда ресейлік Могамед Байтукаевпен кездескен болатын.
Тартысты белдесуде 4:3 есебімен ресейлік балуан жеңіске жетті.
Еске салсақ, бұған дейін Нұрланбек Әбдінұрдің ӘЧ финалына өткені туралы хабарлаған болатынбыз.