Әлем чемпиондығына бір табан жақындағанымды сеземін - Қанат Ислам

АСТАНА. ҚазАқпарат - WBO NABO мен WBA Inter-Continental белбеулерінің иегері Қанат Ислам (25-0, 20 КО) жаңа менеджермен бірге чемпиондық жекпе-жектерге жететініне сенімді, деп хабарлайды ҚазАқпарат Youtube желісіндегі BerikTV арнасынасілтеме жасап..

«Біз Эгис мырзамен кездесіп, бірге жұмыс істеуге келісімшартқа отырдық. Залға келіп, бәрімен танысып жатырмын. Бұл жерден көптеген әлем чемпиондары шыққан. Бұл кісінің қолында да қаншама әлем чемпиондары дайындалады. Сол себепті бұл мен үшін - үлкен бір мүмкіндік. Әлем чемпиондығына жету үшін тағы бір табан жақындағанымды сезіп жатырмын. Осы жақсы мүмкіндікті пайдаланып, алдағы үлкен жекпе-жектерде қазақтың көк Туын желбіретеміз деп ойлаймын», - дейді Қ.Ислам.

Айта кетейік, бүгін Қанат Ислам өзінің Инстаграм желісіндегі парақшасы арқылы АҚШ-тың танымал менеджерімен келісімшартқа отырғанын ресми жариялады. 

Фото: tm-production.kz