Әлем елдерінде сиыр етінің бағасы қанша: Қазақстанда қымбат па
АСТАНА. KAZINFORM – Numbeo халықаралық платформасы жаһанның әр түкпірінде сиыр етінің келісі қанша тұратынын анықтап, статистика құрастырған. Қазақстан 101 мемлекеттің арасында 82-орында тұр.
Алғашқы ондықта Еуропа мен Азияның әртүрлі елдері тіркелген.
1. Швейцария – $45.58 (≈ 21 173 теңге);
2. Норвегия – $32.89 (≈ 15 278 теңге);
3. Люксембург – $27.65 (≈ 12 844 теңге);
4. Оңтүстік Корея – $25.28 (≈ 11 743 теңге);
5. Сингапур – $24.80 (≈ 11 520 теңге);
6. Израиль – $24.71 (≈ 11 478 теңге);
7. Аустрия – $23.50 (≈ 10 916 теңге);
8. Финляндия – $22.59 (≈ 10 493 теңге);
9. Франция – $22.19 (≈ 10 307 теңге);
10. Германия – $21.71 (≈ 10 084 теңге).
Сондай-ақ, 17-орындағы Түркияда бұл көрсеткіш $19.98 (≈ 9 281 теңге), 22-орындағы АҚШ-та $16.92 (≈ 7 859 теңге), ал 31-орындағы Ұлыбританияда $14.74 (≈ 6 847 теңге) болып шықты.
Елімізге жақын шетелдердің арасында сиыр етінің келісі ең қымбат мемлекет Армения екен. 52-сатыдағы бұл республикада ол $12.26-ға бағаланған, яғни 5 695 теңге.
Айналамыздағы өзге де мемлекеттердегі сиыр етінің құнына тоқталсақ:
• Қытай – 59-орында, $11.13 (≈ 5 170 теңге);
• Ресей – 64-орында, $10.93 (≈ 5 077 теңге);
• Өзбекстан – 66-орында, $10.86 (≈ 5 044 теңге);
• Әзербайжан – 70-орында, $10.53 (≈ 4 891 теңге);
• Грузия – 73-орында, $9.96 (≈ 4 626 теңге);
• Беларусь 77-орында, $9.25 (≈ 4 296 теңге).
Ал Қазақстан бұл тізімде 82-орында. Елімізде бір келі сиыр етінің бағасы $8.72 (≈ 4 050 теңге) деп көрсетілген.
Сонымен бірге, Қазақстаннан кейін тізімде 88-орындағы Украина $7.33 (≈ 3 405 теңге), 98-орындағы Үндістан $5.23 (≈ 2 429 теңге) және т.б. елдер тұр.
Айта кетейік, бұған дейін Қазақстанда сиыр етіне импорттық квота бөлінетінін жазғанбыз.
