Әлем кубогы: Виктория Графеева алтын жүлде еншіледі
АСТАНА. KAZINFORM — Виктория Графеева Олимпиада чемпионын жеңіп, Әлем кубогын иеленді, деп хабарлайды Спортты дамыту дирекциясының баспасөз қызметі.
Әлем чемпионатының жүлдегері, 60 келідегі Виктория Графеева финалда Париж Олимпиадасының чемпионы Лин Юй-Тинмен (Тайпей) кездесті.
Алғашқы раунд қарсыластың еншісіне кеткенімен, отандасымыз соңғы секундқа дейін жеңіс үшін талпынып, 3:2 есебімен басым түсті.
Отандасымыздың жарыстағы жолы:
½ финал. Ситора Турдибекова (Әлем чемпионатының жүлдегері) — 4:1
¼ финал. Иеонжи Ох — 5:0
Осыған дейін хабарланғандай, Назым Қызайбай Қытайдағы Әлем кубогының жеңімпазы атанды.
