Әлемде коронавирустан көз жұмғандар саны 900 мыңнан асты
НҰР-СҰЛТАН. ҚазАқпарат – Әлемде ауыр коронавирустан 906 195 көз жұмып, оны жұқтырғандар саны 28 млн-нан асса, 18 849 981 адам сауығып шықты. Бұл туралы ҚазАқпарат Джон Хопкинс университетіне сілтеме жасап хабарлайды.
Індет жұқтырған адамдар санының көптігі жағынан АҚШ көш бастап келеді (6,3 млн). Екінші орында – Үндістан (4,4 млн), үшінші орында – Бразилия (4,2 млн), одан кейін Ресей (1 млн).
Аурудан көз жұмудың ең көп оқиғасы да АҚШ-та тіркелді (191 мың), екінші орында Бразилия (129 мың) және «үштікті» Үндістан (75 мың) жауып отыр. COVID-19 жұқтырып, 18 мыңнан астам адам қайтыс болған Ресей бұл тізімде 12-ші орында.
Бұған дейін Дүниежүзілік денсаулық сақтау ұйымы вирустың таралу қарқыны өскенін хабарлап, коронавирус пандемиясы әлі ұзаққа созылатынын ескертті. Кейбір елдерде билік пандемияның екінші толқынын белгілеп отыр.
