Әлемдегі ең толық әйел 5 аптада 140 келі салмақ тастады

АСТАНА. ҚазАқпарат - Әлем бойынша ең толық әйел атанған мысырлық Иман Ахмад Абдулати үндістандық емханаға жатып, бес аптаның ішінде 140 келі салмақ тастады.

Енді оның салмағы 358 келі болды. Бұл туралы "Эйшн эйдж" газеті хабарлайды.

Қазір әйелге соя сүтіне араласқан гипонатрийлік протеиндік сұйық тағам беруде. Күн сайын ол шамамен 1800 калорий алады.