Әлемдегі ең үлкен омлетке 145 мың жұмыртқа жұмсалды
АСТАНА. 19 тамыз. ҚазАқпарат - Португалиялық аспаздар әлемдегі ең үлкен омлет пісірді. Салмағы алты тонна болатын тағам үшін 145 мың жұмыртқа жұмсалды. Бұл туралы «Алаш айнасы» газеті жазады.
Ресейлік бұқаралық ақпарат құралдарының хабарлауынша, кулинарлық жетістік Феррейра-ду-Зезири қаласында Гиннесcтің рекордтар кітабына тіркелді.
105 аспаз тағамды диаметрі 10 метр, салмағы 4 тонна болатын табаға алты сағат бойы пісірді. Олар мыңдаған жұмыртқаға қоса, 400 келі зәйтүн майы мен 100 келі сарымай пайдаланды. Ерекше тағамның өз салмағы алты тоннадан асты. Сөйтіп, ол мұның алдында тіркелген рекордты жаңартты. 2010 жылы түркиялық аспаздар 4,4 тонна болатын омлет пісірген еді.
