Әлемдегі тоқтаусыз ең ұзақ рейс 17 сағатқа созылды
АСТАНА. ҚазАқпарат - Ең ұзақ әрі тоқтаусыз ұшатын коммерциялық рейс Нью-Йорк әуежайына қонды. Ол 17 сағат 52 минуттың ішінде 15 мың шақырымды артқа тастап Сингапурдан ұшып келді, деп хабарлайды Би-би-си.
Ұшақ бортында 150 жолаушы мен 17 экипаж мүшесі болған.
«Ұшу жеңіл және жайлы болды. Борттағылар соншама уақыттың қалай өткенін байқамай да қалса керек»,- дейді airlineratings.com сайтының бас редакторы Джеффри Томас.
Лайнер Камбоджа, Лаос, Қытай, Моңғолия және Ресей аумақтарын басып өткен.
