Әлемге әйгілі boys-бендтің солистері қыздар болып шықты
АСТАНА. ҚазАқпарат - Жастар арасында кеңінен танымал қытайлық Acrush тобының «жігіттері» шынтуайтында қыздар екендіктерін мойындады, деп хабарлайды ҚазАқпарат Quartz сайтына сілтеме жасап.
Наурыз айында Қытайдағы Tencent әлеуметтік желісі елдегі жоғары оқу орындарында «Күйеу көрмесі» ("Husband Exhibition") атты музыкалық іс-шара өткізген болатын. Оның мақсаты - жаңадан шығып жүрген әншілерді көпшілікке таныстырып, өздерінің сүйікті әншілерін «күйеуіміз» деп есептейтін қытайлық жанкүйер қыздармен жүздестіру.
Шара барысында өздерін жігіт ретінде көрсетіп жүрген boys-бендтің мүшелері жанкүйерлеріне қыздар екендіктерін жайып салды.
Топ менеджерінің мәлімдеуінше, бұл ақпараттың белгілі болуы әртістердің танымалдылығына кері әсерін тигізбеген.
Acrush тобының құрамында бес әнші өнер көрсетеді. Олардың барлығының жасы 20-лар шамасында. Олардың әлем бойынша миллиондаған тыңдарманы бар.
