Әлеуметтік маңызы бар азық-түлікті 3 айға шетелге шығаруға тыйым салынды

НҰР-СҰЛТАН. ҚазАқпарат - Әлеуметтік маңызы бар азық-түлік тауарларына, оның ішінде сиыр, қой еттері, картоп және сәбізге бағаларды тұрақтандыру мақсатында ірі қара мен ұсақ малдарды 6 айға, картоп пен сәбізді 3 айға шетелге шығаруға тыйым салынды, деп хабарлайды ҚазАқпарат.

Бұл Мемлекет басшысы Қасым-Жомарт Тоқаевтың осы жылдың 5 қаңтарда елдегі әлеуметтік-экономикалық жағдай бойынша кеңесте берген тапсырмаларына сәйкес Үкімет қабылдаған жедел шешімдер арасында бар.