Али Ахмедов әлемдік рейтингіде 37 сатыға көтерілді
АСТАНА. ҚазАқпарат – Қазақстандық боксшы Әли Ахмедов (18-1, 14 КО) Америка өкілі Габриэль Росадоны (26-16-1, 15 КО) жеңгеннен кейін Boxrec.com рейтингінде жоғарылады, деп хабарлайды ҚазАқпарат Sports.kz порталына сілтеме жасап.
Ә.Ахмедов Г.Росадоны төрешілердің бірауызды шешімімен жеңіп, BoxRec рейтингінің суперорта салмақ санатында 50-інші орыннан 13-ке бірақ көтерілді. Қазақстандық боксшы бұл жеңісінен кейін WBC Silver және IBF North American нұсқалары бойынша вакантты чемпиондық титулдарға ие болды.
Әли Ахмедов 2020 жылдың желтоқсанында эквадорлық Карлос Гонгорадан (21-1, 16 КО) нокаутпен жеңілгеннен кейін үш жекпе-жек өткізді. Ол перулік Давид Сегарруді (35-8, 22 КО) және мексикалық Пауль Валенсуэланы (27-11, 17 КО) мерзімінен бұрын жеңді. Габриэль Росадомен болған үшінші айқасы бүгін, 18 қыркүйек күні Лас-Вегас қаласында (АҚШ) өтті. Олар Геннадий Головкин мен Сауль «Канело» Альварес арасындағы жекпе-жек кешінің андеркартында кездесті. Төрешілер жеңісті қазақстандық боксшыға берді.
Айта кетейік, Головкин-Альварес трилогиясы мексикалықтың пайдасына аяқталды.
