Әли Оқапов «Құрмет» орденінен бас тартпайтын болды – Аида Балаева
Мәдениет және ақпарат министрі Аида Балаева Әли Оқаповтың «Құрмет» орденінен бас тартуы туралы пікір білдірді, деп хабарлайды Kazinform.
«Әли Оқапов өз видеосын жүктеді ғой. Содан кейін мен министр ретінде ол кісімен сөйлестім. Ол кісі шығармашылық адамы болғаннан кейін бәрін эмоционалды тұрғыда қабылдаған. Өзі айтты: «Аида Ғалымқызы, шынымен де бәрі жан-жақтан талаған кезде, менің еңбегім емес деп, анаммен салыстырып жатқаннан кейін шыдамадым», - деді. «Қазір ондай сұрақ жоқ. Бәрі дұрыс», - деп өзі айтты», - деді вдеомство басшысы Мәжілістің пленарлық отырысынан кейін.
БАҚ өкілі «Әншіге берілген атақ өзінде қалатын болды ма», - деп нақтылады.
«Иә, өзінде қалады», - деді Аида Балаева.
