Әлихан Смайылов маңғыстаулық кішкентай Әлиханның тұсауын кесті

АҚТАУ. ҚазАқпарат - Премьер-Министр маңғыстаулық кішкентай Әлиханның тұсауын кесті, деп хабарлайды ҚазАқпарат Үкіметтің баспасөз қызметіне сілтеме жасап.

Жұмыс сапарымен Маңғыстау облысында жүрген Үкімет басшысы өңір тұрғынының өтінішін жерге тастамай, бір жасар Әлихан есімді бүлдіршіннің тұсауын кесті.

«Қазақы дәстүрмен немеремнің тұсауын кесуді жоспарлап жүр едім. Сәті түсіп, Премьер-Министр Әлихан Смайыловқа баламыздың тұсауын кестіріп, жақсылыққа балап отырмыз», — дейді Әлиханның атасы Қайыржан Ниязов.

Үкімет басшысы бүлдіршінге ақ жол, болашағының жарқын болуын тіледі.