Әлішер Кәрімовтің суреті бар латвиялық пошта маркасы шықты
АСТАНА. ҚазАқпарат - Латвиялық пошта биыл «Жаңа толқын-2014» байқауында Қазақстан атынан шығатын әнші Әлішер Кәрімовтің суреті бар марка шығарды, деп жазады kaztv.kz.
«Конкурс ұйымдастырушылары менің суретім бар пошта маркасын шығарды. Сондай-ақ, бүгін мен жеке өмірім туралы алғаш рет ата-анама хат жаздым», - дейді әнші өзіңнің шағын блогында. Сөзіне дәлел ретінде Әлішер әлеуметтік желілерге марканың суретін және ата-анасына арналған хатты ұстап тұрған фотосын жариялаған.
Байқауға қатысушылардың суреті бар марка шығару дәстүрін Латвия конкурс алдында үнемі ұйымдастырады.
Еске сала кетейік, байқау шілде айының 22-27 аралығында Латвияның Юрмала қаласындағы «Дзинтари» концерт залында өтеді. Оған әлемнің 13 елінен 16 әнші қатысады.
Халықаралық конкурсты «Қазақстан» Ұлттық телеарнасы тікелей эфирде көрсетеді.
