Алманияда шiркеу мешiтке айналды
АСТАНА. 17 мамыр. ҚазАқпарат - Гамбург қаласының мұсылмандары 2002 жылы қаржылық қиыншылықтарға байланысты жабылып қалған Капернаум шіркеуін қайта жөндеп, мешітке айналдыру жұмыстарын бастап кетті,
деп хабарлайды Қазақстан мұсылмандары дiни басқармасының сайты islam-today-ға сiлтеме жасап.
10 жылға жуық тұралап қалған шіркеуді 600-ге жуық тұрақты келушілері бар «Ән-Нұр» Ислам орталығы өзінің иелігіне алған екен.
Күрделі жөндеу жұмыстарына бір миллион еуро бөлініпті. Аталған мешіт ағымдағы жылдың қазан айының басында ашылады деп күтілуде.
