Алматы облысында 8 мың гектар жер мемлекетке қайтарылды

жер
Фото: Kazinform

АЛМАТЫ. KAZINFORM – Алматы облысында 8 мың гектар ауыл шаруашылығы жері мемлекет меншігіне қайтарылды. Бұл туралы министрліктің баспасөз қызметі мәлім етті.

Ауыл шаруашылығы министрлігінің Жер ресурстарын басқару комитетінің Алматы облысында жүргізген тексеру қорытындысы нәтижесінде жалпы көлемі 8 мың гектар жайылымдық жер учаскесін заңсыз беру фактісі анықталды. Оның ішінде 6 мың га Жамбыл, 2000 га Балқаш ауданына тиесілі. Жер учаскелері ҚР Жер кодексінің 43-1-бабын бұза отырып берілген.

Аумақтық департаменттің талап арызы бойынша Алматы облысының мамандандырылған ауданаралық экономикалық сотының шешімімен жер учаскесін уақытша өтеулі жер пайдалану туралы үлгілік шарттар жарамсыз деп танылды.

Жер телімдері мемлекет меншігіне қайтарылды.

Соңғы жаңалықтар
telegram