Алматы облысында каналды су шайып, төрт үй су астында қалды
ҚОНАЕВ. KAZINFORM — Еңбекшіқазақ ауданы, Бәйтерек ауылдық округіне қарасты саяжайда Талгарирригация Р9 бетонды каналын су шайып кетті.
«Салдарынан суармалы су Құлжа тас жолына жақын орналасқан 4 үйге кірді. Еңбекшіқазақ ауданының әкімі Талғат Байеділов саяжайдағы барлық үйлерді аралап шықты»,- деп хабаралады әкімдіктен.
Жұмысты күшейту мақсатында каналды қалпына келтіру және жөндеу жұмыстары жүргізілді.
Қазір суармалы су толық жойылды.
Бұған дейін Талғар өзенінің деңгейі көтеріліп, оның сол жағалауында орналасқан балама жолды су шайып кеткен болатын.
