Алматы облысының тұрғындары Алғыс айту күнін атап өтті
АЛМАТЫ. KAZINFORM – Қонаев қаласында атаулы күнге орай мерекелік іс-шара өткізілді. Оған этномәдени орталықтардың, үкіметтік емес ұйымдардың өкілдері, Қазақстан халқы Ассамблеясының, өңірдегі аналар мен ақсақалдар кеңесінің мүшелері, сондай-ақ еріктілер мен қоғам белсенділері қатысты.
Іс-шараны Алматы облысының «Қоғамдық келісім және даму орталығы» КММ ұйымдастырды.
Айта кетейік, мереке дәстүрлі түрде жалпықазақстандық телекөпірге қатысудан басталды. Телекөпірге елдің барлық аймағынан 400-ден астам адам қатысты. Сондай-ақ Қонаев қаласының Мәдениет үйінде мерекенің салтанатты бөлігі өтті. Онда этномәдени орталықтардың өкілдері мен өңірдің үздік шығармашылық ұжымдары өз өнерлерін көрсетті.
Сонымен қатар ғимараттың алдында жәрмеңке ұйымдастырылды, онда қонақтар аймақтың шеберлерінің түрлі бұйымдарын сатып алса, іс-шараның негізгі бөлігінде қоғам дауына үлес қосып, елдің алғысына бөленіп жүрген азаматтарды марапаттады. Олардың ішінде өте қауіпті жағдайларда бірнеше ондаған адамның өмірін сақтап қалған қарапайым азаматтар мен төтенше жағдайлар қызметкерлері бар. «Қоғамдық келісім және даму орталығы» КММ ұйымдастырған «Қазақстан-бақыт мекені» атты үздік бейнеролик байқауының жеңімпаздары да өз марапаттарын алды.
