Алматы тауларында бәйшешек гүлдеді

Алматы маңындағы тау бөктерінде бәйшешек гүлдеп жатыр. Қазақстандық фотограф Дмитрий Доценко қаңтарда гүлдеген көктем гүлін суретке түсіріп, әлеуметтік желіде бөлісті, деп хабарлайды Kazinform.

«Қыс ортасы, 9 қаңтар, Алматыда бәйшешек гүлдеп жатыр. Желтоқсан айында да гүлдеген оны да түсірдім. Қазір қаңтар. Көктем гүлі қыс мезгілінде гүлдеп қуантып жатыр. Алматы - ғажайып қала. Нағыз ертегі», - деп жазды фотограф Instagram-дағы парақшасында.

Алматы облысы Талғар ауданындағы тауда да бәйшешек гүлдеді.