Алматы тауларында шыңды бағындыруға шыққан жеті жасөспірім төменге түсе алмай қалды
АЛМАТЫ. KAZINFORM – ТЖМ құтқарушылары Алматы тауларында жеті жасөспірімді құтқарды.
Төтенше жағдайлар министрлігінің мәліметінше, құтқару операциясы Күмбел шыңында болған. 13-17 жас аралығындағы жасөспірімдер демалуға мүлдем дайындалмай, шыңды бағындыруды ұйғарған. Олар өз бетінше қайтып келе алмады.
Көмекке РЖҚЖ құтқарушылар жасағы жіберілді. Жасөспірімдер тексерілді, олар медициналық көмекке мұқтаж емес. Оларды ата-аналарына беру үшін Медеуге дейін түсірді.
«Төтенше жағдай туындаған жағдайда 112 нөміріне хабарласыңыз», - делінген хабарламада.
