15:27, 20 Қыркүйек 2024 | GMT +5
Алматыда тұрғын үй өртеніп, 30 адам эвакуацияланды
АЛМАТЫ. KAZINFORM - Наурызбай ауданында бес қабатты тұрғын үйдің бірінші қабатында өрт шықты. Қалалық ТЖД мәліметіне сәйкес, 20 шаршы метр алаңды жалын шарпып, жиһаз және үй заттары өртенген.
Құтқарушылар автосатымен және баспалдақпен 14 адамды, оның ішінде 5 баланы құтқарды. Одан бөлек 16 адамды эвакуацияланды.
«Құтқарушылардың жедел әрекеттерінің арқасында өрт сөндірілді. Зардап шеккендер жоқ, өрттің шығу себебі алдын ала болжам бойынша электр сымдарының қысқа тұйықталуы», - деп хабарлады ТЖД баспасөз қызметі.
Еске салайық, бұған дейін Алматыдағы жер үйлерден 270 реттен астам өрт қауіпсіздігі ережелерін бұзу жағдайлары анықталғанын жазғанбыз.
Сондай-ақ бірнеше күн бұрын Алматыда Барахолка базары өртенді.
