Алматыда биыл қанша жұмыс орны ашылды
Алматыда 2023 жылдың басынан бері 79,5 мың жұмыс орны құрылды, деп хабарлайды Кazinform.
Алматы әкімдігінің мәліметінше, мегаполисте еңбек нарығындағы жағдай жақсарды. Атап айтқанда, 2023 жылғы III тоқсанда жұмыссыздық деңгейі 4,8% - ға дейін төмендеді.
«Бұған 79,5 мың жұмыс орнын құру ықпал етті, оның 80% - ы тұрақты, жалпы саны 62,7 мың. 2022 жылы 57,5 мың жұмыс орны құрылды, оның 70% - ы тұрақты, жалпы жұмыс орны 40,2 мың», - деп хабарлады қалалық жұмыспен қамту және әлеуметтік бағдарламалар басқармасынан.
Айта кетерлігі, осы жылы «ИТП» АЭА-да 15 млрд теңге көлемінде инвестиция тартылды, 1200 жұмыс орны ашылды, 39 компания жаңа қатысушы ретінде қабылданды. Жобаларды іске асыру үшін ауданы 15 гектар 7 жер учаскесі бөлінді.
Жалпы, 2023 жылдың қорытындысы бойынша қала экономикасының өсуі 6,5% деңгейде болады деп жоспарланған.
Бұған дейін еліміздің қай өңірлерінде жұмыссыздар көп екені айтылған болатын.
