Алматыда демалыс күндері ауылшаруашылық жәрмеңкесі өтеді
АЛМАТЫ. KAZINFORM — Алматыда алдағы демалыс күндері, яғни 2- 4 мамыр аралығында сағат 09:00-ден 18:00-ге дейін Алматы облысы ауыл шаруашылығы тауар өндірушілерінің жәрмеңкесі өтеді.
Алматы мен Алматы облысының 318 фермері мен ауыл шаруашылығы өндірушілері жәрмеңкеде халыққа 900 тоннаға дейін азық-түлік тауарларын сатуды жоспарлап отыр.
— Оның ішінде ет өнімдері — 390 тонна, жеміс, көкөніс өнімдері — 400 тонна, сүт өнімдері — 50 тонна, жұмыртқа, шұжық және бал — 30 тонна, басқалары — 30 тонна, - деп хабарлады әкімдіктің баспасөз қызметі.
Жәрмеңкелер 3 және 4 мамырда (сенбі және жексенбі) сағат 09:00-ден 18:00-ге дейін қаланың төрт ауданында өтеді:
* Алмалы ауданы-Масанчи көшесі (Әйтеке би көшесі мен Гоголь көшесі арасында);
* Әуезов ауданы — Өтеген батыр көшесі (Абай даңғылынан төмен);
* Бостандық ауданы — ш/а. Қазақфильм (әл-Фараби даңғылынан жоғары);
* Медеу ауданы — Меңдіқұлов бульвары-Бектұров көшесі.
Жәрмеңкеде әлеуметтік маңызы бар өнімдер нарықтық құннан 15-20%-ға төмен сатылады.
Осыған дейін Алматыда көкөніс бағасы арзандайтыны туралы жазғанбыз.
