Алматыда қауіпті дрифт жасаған жүргізушілер ұсталды
АЛМАТЫ. KAZINFORM – Алматыда өткен демалыс күндері жол қозғалысы ережелерін өрескел бұзған екі жүргізуші жауапқа тартылды.
Жүргізушілер түнгі уақытта қала көшелерінде дрифт жасаған. Олардың әрекетін бейнебақылау камералары түсірді. Қазір құқық бұзушылардың әрқайсысына бірнеше бап бойынша әкімшілік хаттама толтырылды. Сот шешімімен бір жүргізуші 5 тәулікке әкімшілік қамауға алынса, екіншісіне айыппұл салынды.
- Жолдағы агрессивті жүргізу мен дрифт — азаматтардың өмірі мен денсаулығына тікелей қауіп. Біз мұндай фактілерге қатаң түрде әрекет етіп, барлық анықталған құқық бұзушылық бойынша жауапкершілікке тартамыз, — деді Алматы қаласы әкімшілік полиция басқармасының бастығы Әбдінұр Тасыбаев.
Еске салайық, бұған дейін Алматы көшелерінде жарысқан тағы бір топ жүргізуші ұсталды.
