Алматыда көші-қон жөніндегі ХҚО-ның мекенжайы өзгерді
Алматыда көші-қон жөніндегі ХҚО-ның мекенжайы уақытша өзгерді. Бұл туралы «Азаматтарға арналған үкімет» мемлекеттік корпорациясы Алматы қаласы филиалының баспасөз қызметі мәлім етті, деп хабарлайды Kazinform.
«2 қарашадан бастап «Азаматтарға арналған үкімет» мемлекеттік корпорациясы Алматы қаласы филиалының көші-қон бөлімі уақытша Жетісу ауданы, "Құлагер" шағынауданы, Серіков көшесі, 6а мекенжайы бойынша азаматтарды қабылдайтын болады. Бұған дейін көші-қон қызметтері Түрксіб ауданы, "Қайрат" шағынауданы, 181 ("Семиречье-Жетісу» сауда орталығында) мекенжайында көрсетілген болатын», - деп хабарлады Алматы қаласы филиалының баспасөз қызметі.
Филиалда сондай-ақ алдағы уақытта азаматтарды бұрынғы мекенжай бойынша қайта қабылдау туралы қосымша хабарланатынын жеткізді.
Жаңа мекендегі көші-қон жөніндегі ХҚО дүйсенбі-жұма күндері сағат 9.00-ден 18.00-ге дейін жұмыс істейді.
