Алматыда қойма өртенді

АЛМАТЫ. KAZINFORM - Алматыда құтқарушылар Алатау аймағындағы қойма үй-жайынан шыққан өртпен күресіп жатыр. 

Қалалық Төтенше жағдайлар департаментінің хабарлауынша, сағат 19:43-те жоғары дәрежедегі күштер мен құралдар Алатау ауданы, Теректі шағын ауданы, Айналмалы көшесіне жіберілді. 

— Оқиға орнына келген кезде 19:56-да ангар типті қойма өртеніп жатқаны анықталды. Өрт сөндіруге жеке құрамның 29 адамы, 7 техника мен қалалық әрекеттесу қызметі өртті сөндіруде, - деп хабарлады Алматы қалалық ТЖД баспасөз қызметі. 

Өрт 20:37-де ауыздықталды. Су көздерінің алыс болғаны өрт сөндіру жұмыстарын қиындатты. Су тасу жұмыстары ұйымдастырылды. Өрттің таралу қаупі жойылды.