Алматыда өрт шыққан үйден 9 адам құтқарылды
АЛМАТЫ. KAZINFORM - Алматы қаласының Түрксіб ауданында 3 қабатты көппәтерлі тұрғын үйдің 1 қабатында өрт шықты.
ҚР Төтенше жағдайлар министрлігінің мәліметінше, шақырту орнына жеткен соң өрт сөндірушілер баспалдақ маршымен 5 адамды эвакуациялады. Үш тізелі баспалдақтың көмегімен 2-ші қабаттан 3 азамат құтқарылды. МӨСБ-4 бөлімшесінің командирі Фархат Ушуров жанып, отқа оранған пәтерден 1-ші топтағы мүмкіндігі шектеулі азаматты құтқарды.
Аумағы 25 шаршы метр болған өрт сағат 08:47-де сөндірілді.
Еске салсақ, жақында Алматыда найзағай салдарынан жер үй өртенген еді.
