Алматыда ірі көлемде контрафактілік ауа баптағыштар тәркіленді
АЛМАТЫ. KAZINFORM – Алматы қаласы Әділет департаменті контрафактілік өніммен күрес бөлімінің мамандары жалған тауар белгісімен заңсыз сатылымға шығарылмақ болған Almacom ауа баптағыштың ірі көлемін тәркіледі.
Департамент мәліметінше,заңсыз сауданың жолын кесу операциясы 15 сағатқа созылды. Тексеріске тауар белгісі иесінің шағымы негіз болған.
Осылайша, Әділет департаменті қызметкерлерінің жедел әрекеті нәтижесінде 5 253 000 теңгенінің контрафактілік өнімі тәркіленді.
«Осы факт бойынша ҚР Әкімшілік құқық бұзушылық туралы кодексінің 158-бабы бойынша хаттама толтырылды. Бұдан бөлек, арнайы операция барысында департамент қызметкерлеріне қарсылық көрсеткен үш адамға қатысты әкімшілік құқық бұзушылық туралы кодекстің 462-бабы бойынша хаттама толтырылды», - деп атап өтті ведомстводан.
Қазіргі уақытта мәселенің мән-жайы тексекріліп, кінәлілерді анықтау үшін іс материалдары сотқа жолданды.
