Алматыда сапасыз құрылыс жүргізген 8 компания лицензиясынан айырылды
Алматыда жылдың басынан бері сапасыз құрылыстан 1 мыңнан астам кемшілік анықталды, деп хабарлайды Kazinform жергілікті әкімдікке сілтеме жасап.
Биыл жүргізілген жоспардан тыс тексеру аясында Алматының қала құрылысын бақылау басқармасы 1140 заңбұзушылықты анықтап, оны жоюға 634 ұйғарым берген.
Сапасыз құрылыс үшін 68 ұйым, ал тиісінше бақыламағаны үшін 8 техникалық қадағалау ұйымы және 25 техникалық қадағалау сарапшысы аттестатты 6 ай мерзімге тоқтатуға тиіс.
ӘҚБтК 312-бабы 2-бөлігі бойынша 8 компания құрылыс лицензиясынан айырылды:
— «АРТЕМИДА ЛТД» ЖШС;
— «ТриА Холдинг» ЖШС;
— «Ремстрой» ЖШС;
— «ABM Building» ЖШС (лицензияның кіші түрі);
— «Debo Stroy» ЖШС (лицензияның кіші түрі);
— «ЕДІЛ-СТРОЙ СЕРВИС» ЖШС (лицензияның кіші түрі);
— «Ақ Ордасы корпорациясы» ЖШС (лицензияның кіші түрі);
— «DP ENGINEERING GROUP» ЖШС (лицензияның кіші түрі).
Кіші түрінен айырылған компанияларға басқарма олардың лицензиясынан толық айыру үшін наразылық енгізгенін атап өткен жөн.
